Alaskami siku aalermat nuna neriorneqalerpoq

Alaskami nunaqarfiit naggueqatitsinnit najugaqarfigineqartut arlallit silaannaap allanngoriartorneranit navianartorsiortitaapput, sineriak immap sikuanit mallinut siornagut illersugaagaluartoq, sikup aakkiartornera ilutigalugu immamit maanna neriorneqarmat, aviisi Anchorage Daily News taama allaaserinnippoq.

Immap nuna neriormagu illut, atuarfiit mittarfiillu nunaqarfinni arlalinni ulorianartorsiortitaapput.

Tamannalu pillugu nunaqarfiit inuisalu allamut nuunneqarnissaat USA-mi oqartussanit maanna eqqarsaatersuutigineqarpoq.

Nuutsitsinissarli hundredetusind dollarsinik arlalissuarnik naleqarmat nussuinissamik pilersaarutit taamaatinneqarput, allaanerusumik iliuuseqartoqarnialerluni.

Immap neriuineranik malinnik navianartorsiortitaasuni, qimaaffissianik aqqusinniortoqarniarpoq, nunaqarfimmiut tiffasinnerusumut siunissami nuukkusulerunik aamma aqqutigisinnaasassaannik.