Namminersulernissaq pillugu suliniaqatigiiffittaamut, Inussummut, IA aamma ilaasortaasariaqaraluarpoq.
Taama isumaqarpoq, IA-p siulittaasuata tullia, Kuupik Kleist.
Kuupik Kleist Folketingimi ilaasortaasoq Folketingimi Atlantikup Avannaani qinikkat Suleqatigiiffianni kattuffimmik pilersitseqataasumi ilaasortaagami Inussummi ilaasortaareerpoq.
Kuupik Kleist oqarpoq, partiit maleruagassaanni immikkoortoq 1 naapertuutissappat, IA suliniaqatigiiffimmut ilaasortaasariaqartoq, paragraf 1 nunatta namminersulernissaanik imaqarmat.
Kuupik Kleist isumaqarnerarpoq Inussuk Naalakkersuisut allaffiiniit aqunneqarnani inuinnarpalaartumik ingerlanneqartoq.
IA Inussummut ilaasortanngussanersoq partiip juunip pingajuanni sisamaannilu ataatsimiinnissaani aalajangiivigineqassaaq.