Angut 50-nik ukiulik, niviarsiaqqanik atornerluisarsimasutut pasineqarluni Nuummi pineqaatissinneqarsimasut isertitsivianni sapaatit-akunnerini sisamani tigummigallagaanermi nalaani imminorsimasoq, Nuummi politiit oqaluttuarput.
Angutip qanorpiaq toqusimanera politiinit oqaatigineqarusunngilaq, sulili misissorneqartoq vicepolitimesteri Bjørn Bay oqarpoq.
- Pineqartoq pillugu misissuisussaavugut, misissuinerullu takutikkumaarpaa toqusimanerani qanorpiaq pisoqarsimanersoq, naak angut toqoreeraluartoq misissuineq ingerlassaaq, Bjørn Bay oqarpoq nangillunilu: - Angutip toqusimasup niviarsiaqqanik atornerluisimasutut pasineqarneranut atatillugu misissuineq ingerlaannassaaq, naak pasineqartoq toqoreeraluartoq, Bjørn Bay naggasiivoq.