Angut imminorluni Bagdadimi qaartartumeermat, inuit ikinnerpaamik qulingiluat aamma toqutaapput.
Irakip illoqarfiisa pingaarnersaani, Bagdadimi, shiitit najugaqarfiginerusaanni qaartartumeerneq pivoq.
Aamma allat 33-t qaartartup qaarnerani ikiligaapput, eqqartuussiviup silataani qaartartoq qaarpoq. Bagdadimi napparsimmavimmi nakorsat taama ilisimatitsipput.
Politiilli oqarput 46-t ikiligaasimasut.
Irakimi ippassaq aamma eqqissiviilliortoqarpoq, qaartartunik saassussisoqarnerani inatsisartullu decemberimi qinersisoqarmalli siullerpaamik ataatsimiinnerat unitsinniarlugu iliuuseqartoqarnerani inuppassuit inuunerminnik annaasaqarmata.
Illoqarfimmi Fallujahimi eqqissiviilliortoqarnerpaavoq, angut imminuutigaluni qaartartumeerimmat, inuit 17-it tamaani toqutaapput, allat 30-t ikiligaasut.
Qaartartumeerineq politiinut politeeqarfiit pingaarnersaata silataaniittunut saassussinerunerarneqarpoq. Irakimi politiit inuit aallaarsarineqarsimallutik toqungasut 36-it aamma nassaarisimavaat
Toqutaasut tamarmik angutaasimapput, 20-t 30-llu akornanni ukiullit, taakku tallimikkut qilersorneqarsimapput isaallu assersorneqarsimallutik.
Nunanit allanit ullumikkut nutaarsiassaatigut nutaarsiassaqartitsivimmit Ritzauimeersuupput.