Kaataq, pilattuut qapiaallu diplomisinermik nersualaarneqarnermik ersaattaarneqarnermillu ullumi taarserneqalaassapput.
Sanasutut pequsiortutullu pikkorissarsimasut tallimat ullumi allagartartaassapput.
Allagartartaartitsineq nersorniarneqarnerlu Nuummi KS Glas-ip sannaviani ullumi ulloqeqqanut ingerlanneqassapput. Nersorinnissut suleqataalluartumut sannarinnerpaamullu tunniunneqassallutik.
Sanaartornermik Ilinniartut sulinermik misiliinertik suli naammassivinngilaat, taamaattumillu allagartassatik utaqqilaartariaqassallugit, inuussutissarsiutinik ilinniartut pisortaat Poul Lennert taama ilisimatitsivoq.
Inersimasunngoreerlutik inuussutissarsiutinik ilinniarneq Nuummi ukioq 2000-imi aallartinneqarmalli sanasutut pequsiortutullu 16-it naammassisimapput qalipaasullu arfinillit aamma naammassisimallutik.