Nunatsinnut tikeeraartussat
Danskit inatsisinik atortitsinermi ministeria aasaru nunatsinnut tikeraaruni Folketingip inatsiseqarnermi ataatsimiititaliaa tikeqatigissagaa, ippassaq aalajangerneqarpoq. Peqataasussat amerlassusaat killeqassaaq, ilaasortammi ilai Tunumut angalasussaammata.
Paasisassarsiorluni angalanissaq sapaatit-akunneranni 35-mi pissaaq. Inatsisinik atortitsinermi naalakkersuisoqarfiup angalanissaq aaqqissuuppaa, siulittaasuuvorlu Dansk Folkepartiineersoq Peter Skaarup. Siunertaavoq ilaasortat namminneq isiminnik nunatsinni pissutsit qanoq ittuunerisa takutinnissaat.
Eqqartuussiveqarnerup aaqqissuuteqqinnissaanut siunnersuutit naalakkersuisutigoortumik ukiaru isumaqatigiinniassutigineqalissapput. Eqqartuussisussat nutaamik ilinniartinneqarnissaat, isertitsivimmik matoqqasumik, Tasiilamilu ammasumik isertitsiveqalernissat isumaqatigiinniassutigineqassapput.