Atuagaq 1972-imi saqqummersoq ”Taamani Guutimik nalusuugama”, Georg Quppersimaap angakkuusimanerminik oqaluttuaa tunngavigalugu, Otto Sandgreenip allagaa Tunumi filimiliarineqaqqammerpoq.
Georg Quppersimaap angakkuusimanerminik oqaluttuarnera tunngavigalugu atuakkiap imarisaa tunngavigalugu filmiliarineqaqqammersoq maajip ulluisa 26-ianni Københavnimi takutinneqaqqaassaaq.
Kalaallit illuanni paasissutissiisartup Vivi Nielsen filmi isiginnaareerlugu oqaluttuarpoq, filmi alutornarluinnartuusoq, suliarilluagaallunilu.
Filmiliornermi inuttaritinneqartut tamarmik Tunumeersuupput, atuakkallu imarisaata allanneqarnera uniorpallaarnagu iluatsittumik filmiliaasoq, Vivi Nielsen aamma naliliivoq.