Angut canadamiu nanorujussuarmit Canadami Yukonimi saassunneqarnermi kingorna toquvoq.
Angut 28-nik ukiulik, Jean-Francois Page, ujaqqanik misissuiartorsimavoq, tammaarsimaffimminullu utersimanani. Nutaarsiassaqartitsivik CBC taama allappoq.
Angut politiinit qulimiguullit atorlugit ujaarineqartariaqalersimavoq, piffissarlu sivitsoreersoq toqungasoq nassaarineqarluni.
Ilimagineqarpoq nanoq arnaviaq marlunnik piaqqisartoq angutip 28-nik ukiullip qanillivallaarsimagaa, nannullu piaqqani illersorniarlugit 28-nik ukiulik saassussimassagaa. Nanoq arnaviaq piaraalu aallaaneqarput.
Yukonimi ukiut marluinnaat matuma siorna angut nannumit aamma saassunneqarluni toquvoq.