- Akissut silattuallaatiginngilluinnarpara! Neqit asiusut nunatsinni nioqqutaasimanerinut Folketingimut ilaasortap, Siumumeersup, Lars-Emil Johansenip, danskit inussutissaqarnermut ministerianut, Lars Barfoedimut, apeqquteqaateqarnermini, akissutaa taama akivaa.
Danskit inuussutissaqarnermut ministeriannut Lars-Emil Johansenip apeqqutigaa neqinik asiusimasunik nunatsinni nioqquteqannginnissamut qanoq sillimatiginersut.
Lars-Emil Johansenimut akissuteqarnermini danskit inuussutissaqarnermut ministeriat ima allappoq:
-Inuussutissat suulluunniit asiunikut Danmarkimi Kalaallit Nunaanniluunniit nioqqutigeqqusaanngillat.
Apeqquteqartulli akissut naammaginngilaa, taamami pisoqarsimasoq paasineqarsimammat.
-Akissut apeqqutigisannut akissutaanngilaq, Lars-Emil Johansen oqarpoq.
Suliap ingerlateqqinnissaa Lars-Emil Johansenip eqqarsaatiginerarpaa.