Aalborgimi umiarsualivik sinneqartoorpoq
Skrevet af Najaaraq Egede
02. maj 2006 17:28
Aalborgimi umiarsualivik akileraarutit ilanngaatigereerlugit siorna 15 millioni koruuninik iluanaaruteqarsimavoq – iluanaarsimanermut nunatta talittarfia peqqutaasimalluni.
Containerinik angallassinermi Royal Arctic Linep 300.000 tonsit angallassimagai, DR Nordjyllandimit paasissutissiissutigineqarpoq.
Aalborgimi nunatta talittarfia qanoq pingaaruteqartiginersoq paasinarsiinnarpoq.
Maannakkorpiaq nunatsinnut pajuttuivissatut aallaavissaq sumiissanersoq isumaqatigiinniassutigineqalerpoq, Esbjergimi Århusimilu umiarsualiviit nunatsinnut pajuttuisarnissami aallaavissatut imminnut piukkupput.
Naatsorsuutigineqarpoq umiarsualivik sorleq nunatsinnut pajuttuiffittut aallaaviulissanersoq
septembarimi aalajangerneqassasoq.
