Qulimiguuliaraq kangaamiut eqqaanni ajutoortoq
Skrevet af Najaaraq Egede
02. maj 2006 17:20
Air Greenlandip qulimiguuliutaa mikisoq, AS350, Kangaamiut eqqaanni sisorarianik angallassitilluni ullumi minnerliorpoq, timmisartuutileqatigiiffik Air Greenland nalunaarpoq.
Minnerliornermi inunnik ajoqusertoqanngilaq, qulimiguulilli ajoquserpoq. Qulimiguulik AS350 qulimiguulimmit angisuumit S-61-mik aaneqarluni Nuummukaanneqassaaq, tassanilu ajoquserisimanera misissorneqarlunilu iluarsaanneqassalluni.