Danskit naalakkersuisuisa siulittaasuata Anders Fogh Rasmussenip tusagassiortunik katersortitsinermi Irakimi sakkutuuliussatik 500juusut angerlartinneqassanersut suli aalajangersimanngilaa.
”-Naalakkersuisut maannangaaq suli aalajanginngillat sakkutuuvut utertinneqassanersut”.
Danskit ministeriunerata nunatsinni tikeraarnerani
inatsisartut oqaluuserisimavaat danskit Irakimi sakkutuuliussatik qaqugu angerlartinniarnerlugit. Isumaqatigiinniassutigineqalerpoq piaartumik, ajornanngippat ukiaru sakkutuutik 100t angerlartinneqassasut.
-”Taamaattoqanngilaq; maannakkorpiarmi danskit Irakimi sakkutuuliussaasa qanoq pineqarnissaat pilersaarusiorneqaleruttorpoq, akunnerullu tulliani pissutsit paasinarsinerussapput juulip aallaqqaataata kingorna sakkutuuvut qanoq pineqassanersut”- danskit ministeriunerat Anders Fogh Rasmussen tusagassiortunik katersortitsinermi nalunaaruteqarpoq.