Jess G. Berthelsen uparuarneqarpoq

SIK-p ilaasortaasa kattuffitsik sumununa atorniaraat? Sulinermik Inuussutissarsiuteqartut Kattuffiata siulittaasuata, Jess G. Berthelsenip, ippassaq maajip aallaqqaataasiornermi oqaasiinut atatillugu, Kalaallit Nunaanni Sulisitsisut Peqatigiiffiat, Grønlands Arbejdsgiverforening, taama aperaaq.

Jess G. Berthelsenip GA uparuarpaa, oqarluni, GA danskit kattuffiannut 9,2 procentimik isumaqatigiissuteqarsimasoq, taamaakkarluartorlu SIK-mut isumaqatigiinniarnerni angeqataanik isumaqatigissuteqarumanani.

Jess G Berthelsen isumaqarpoq, ammip qalipaataa tunngavigalugu GA assigiinngisitsisunngorsimasoq.

GA-mi pisortaq, Ole Rud, erseqqissaavoq, pisimasoq assigiinngisitsinerunngitsoq, tassami aningaaserivinni sulisut 17-it isumaqatigiinniutigineqartut tamarmik Kalaallit Nunaanni sulisuullutillu akileraartarmata.

Illuatungeriit isumaat imminnut ungasissorujussuupput. Ole Rud ilisimatitsivoq isumaqatigiinniarnerit aallartimmata minutsit arfineq-marluk qaangiutiinnartut Jess G. Berthelsen nikuissimasoq, isumaqatigiinniarnerit kipitiinnarlugit. Aallartitsinnatik GA-p SIK-p aningaasaateqarfiinut akiliinerusalernissaa Jess G. Berthelsenimit piumasaqaataasimavoq, tamannali GA-p 2003-imili peqataaffigiumasimanngilaa, aningaasat SIK-p allaffeqarfianut atorneqaannassasorigamikkikl.