Sulisartut ulluanni ingerlaaqatigiittoqarnerani qiianakujussinnaasarpoq.
Tamanna eqqarsaatigalugu Nuummi majip aallaqqaataasiornissaq ukioq manna allatulaaq ingerlanneqassaaq. Oqalugiarnerit inatsisartut ataatsimiittarfiata silataani pinnatik katersortarfimmut nuutinneqarsimapput.
SIK-p siulittaasua, Jess G. Berthelsen, oqarpoq, sila qiianaraangat inuit peqataasut ikiliartortartut. Oqalugiarnerillu nuutinneqarmata siulittaasup neriuutigaa inuit peqataasut amerlanerujumaartut.
Illoqarfimmi angalaaqatigiilluni akerliussutsimik takutitsinissat pisarnertut ingerlanneqassapput. SIK-p allaffeqarfiata silataanit aallartiffeqarlutik Namminersornerullutik Oqartussat allaffeqarfiata tungaanut ingerlaaqatigiittoqassaaq, tamatumalu kingorna katersortarfiup tungaanut ingerlaaqatigiittoqassalluni.
Tassani oqalugiartoqassaaq, kaffeqarlunilu kaageqassaaq.