Lindpromi ulapputtut
Air Greenlandip pisortaanertaassaata Michael Højgaardip Nunatsinnut aallannginnermini atorfittaaminilu aallartinnginnermini maannakkut sulisitsisorisami Kalaallit Nunaanni angusaqarniarnissaa isumagereersimavaa. Suliaqaqatigiit atuagassiaat Electra taama allappoq.
Skrevet af Martine Lind Krebs, Simon Uldum
21. maj 2013 07:41
Michael Højgaard Lindpromi, Arssarnerinik piginnittumi, juulip qaammataata naanissaata tungaanut pisortaanertut atorfeqarpoq.
Arssarnerit Kalaallit Nunaanni innaallagisserinermik suliffeqarfiit anginersaraat 100-nik sulisoqarluni, kisitsilli taanna 130-nngortinneqassaaq, Michael Højgaard suliaqaqatigiit atuagassiaannut Electramut taama oqarpoq. Aningaasatigut kaaviiartitat ukioq 2017 nallertinnagu 40 procentinik, 130 millioninut qaffatsinnissaat anguniagaavoq.
Ilaatigut aatsitassarsiorluni suliffissuaqarnermut isumalluarneq pissutigalugu, Kalaallit Nunaata atortulersuutitigut pilersuinikkullu annertusaaffiginissaanut periarfissaqaluartutut Lindprop nalilersimavaa. Lindpro, taamatullu aamma Arssarnerit, MT Højgaardimit pigineqarpoq.
