Demokraatit siunnersuutaat ilassineqanngilaq
25. april 2006 16:57
Ilassinnissutinik atuisarnernut atatillugu ukioq kingulleq decembarimi inatsisit sukaterneqarput.
Naalakkersuisooqatigiillu tamarmik isumaqatigaat, inatsisit sukaterneqarsimanerat naammaginartoq.
Demokraatit siunnersuuteqaraluarput, ilassinnissutit ikilisinneqartariaqartut, ilaatigut millionit affaannik ikilisinneqarlutik, inatsisartunili ataatsimeeqataasunit tamanna taperserneqanngilaq.
Taamaallaat IA piumasaqarpoq inatsisartuni siulittaasup ilassinnissutinik atuisarnissaani malittarisassaliornissaq.
Kattusseqatigiit isumaqarput, ilassinnissutinik atuisarnissami erseqqarissunik malittarisassaqarnissaq.
Naalakkersuisuusimasut ilassinnissutinik atuivallaarsimanerat ukioq kingulleq paasineqartoq maannakkut politiinit misissorneqarpoq.