Kuultisiorfiusinnaasoq misissuiffigineqaqqissaaq

Skrevet af Najaaraq Egede
25. april 2006 11:02

Nuup kangerluani Qeqertarsuarmi kuulteqarpoq, piaasoqalissappalli kuulti qanoq annertutiginersoq apeqqutaaginnalerpoq. Misileraalluni qillerinerit siorna ingerlanneqartut inerneri NunaMineralsimit tiguneqaqqammerput, takutippaallu misissuisoqarnissaanik peqqutissaqarluartoq.

Misissuinerit takutippaat annertuumik kuulteqartoq, imaassinnaavorlugooq Qeqertarsuami kuultisiorfeqalersoq.

NunaMineralsimi pisortaq Ole Christiansen oqaluttuarpoq juunip naanerani qillerilluni misissuisoqaqqissasoq. Qeqertarsuarmilu kuultisiorfeqalersinnaanera akissaqartinneqarnersoq ukiamut misissorneqassaaq.

Kuultisiorfeqalissagaluarpat akisoorujussuussaaq. NunaMineralsimit oqaatigineqarpoq ikinnerpaamik 100 millioni koruuninik naleqassasoq.