Sinaip qeqertaasartaani Egyptenimut atasumi takornariat ornigarluartagaanni Dahabimi pingasunik qaartitsisoqarneragut inuit ikinnerpaamik 22-t toqutaasut, nutaarsiassaqartitsivik Reuters tusarliussivoq.
Tusagassiutini nalunaaqqaartuuvoq al-Jazeera, taassuma nalunaarutigaa inuit aqqaneq marluk toqutaasut, 90-illu sinnillit ikiligaasimasut.
al-Jazeerap tusagassiortuata nalunaarutigaa toqutaasut ikilikkallu Cairomut assartorneqarsimasut.
Annaassiniartut ilaat nutaariassaqartitsivimmut AFP-mut nalunaarpoq inuit tallimat toqutaasimasut 60-illu ikiligaasut, isumaqarnerarlunili toqusut suli amerlanerussasut.
- Qaartitsiffinni suli pujorpoq, inuillu paatsiveqaratik sumut tamaanga arpaqattaarput, isiginnittut ilaat oqaluttuarpoq.