Fogh Rasmussen tikeraarpoq
Skrevet af Najaaraq Egede
Statsministeri Anders Fogh Rasmussen ulluni tallimani nunatsinni tikeraarnini ullumi aallartippaa.
Naalakkersuisut siulittaasuat Hans Enoksen Thulemi amerikamiut sakkutooqarfiannut angalaqatigissagaa nalunaarutigineqaqqaaraluarpoq, taarserluguli Ilaqutariinnermut inatsisinillu atortitsinermut naalakkersuisoq Aleqa Hammond Thule Air Base-imut tikeraaqatigissagaa kalerriunneqarpoq.
Anders Fogh Rasmussen sakkutooqarfimmut angalareeruni nunatta avannaata kangiani Station Nord tikeraassavaa, qimusserlutik sinerissamik nakkutilliisut ulluni marlunni najussallugit.