Biilivit parnaartarnissaat eqqaamasassallugu nammineq nalugunanngilat, massakkullumi aamma tjekkit præsidentiata aquttuata tamanna eqqaamajuaannartussanngorunarpaa.
Ullumimi Præsidentip Vaclec Klausip limousinii, biilinik tillinniartartut aallarussimavaat. Aallarussineq aatsaat paasineqarpoq, politiit illoqarfeerannguami Louny-mi illoqarfiit pingaarnersaannit Prag-imit 40 kilometerisut ungasitsigisumi biilit nassaarigamikkit. Biilit iluaniittut nalillit tamarmik tillinneqarsimapput, biilillu orpikkat akornannut qimaannarneqarsimapput.
Limousiinit, Skoda Superb-init atillit, biilinut orsersortarfiimmiitillutik aallarunneqarput, aquttua biilini kisimiittoq kioskimut aviisinik pisiniarnermi nalaani. Taassuma biilit matuersaataat ataannartissimavai, præsidentillu oqaaseqartartuata nalunaarutigaa, biilinik aquttoq oqaaqqissaarneqangaatsiarsimasoq soraarsitaanngitsorli.