Kalaallit itsarnisarsiuutut ilinniartut 44.000-innassapput
Kalaallit ilinniartut itsarnisarsiuut assaanerini ikiuuttartut nunatsinni kommunit aningaasaateqarfianit aningaasanik taperneqalerput.
Nunatsinni misissuilluni assaanerit suliniutillu aningaasaateqarfimmit tapiiffigineqartassapput.
Aningaasaateqarfimmut qinnuteqartoqarsimanngimmat siulersuisut aalajangersimapput ilinniartut kujataani qallunaatsiaqarfimmi assaasunik ikiuussimasut kiisalu Nuup Kangerluani ukkusissat sumiiffiinik allattueqataasimasut 44.000 koruuninik tapiiffiginiarlugit.
Suliniut siulleq aningaasaliiffigineqartussaq Nunatta katersugaasiavianit suliarineqarpoq. Islandimit, Savalimmiunit, Danmarkimit, Tuluit Nunaannit, Nunatsinnit USA-millu itsarnisarsiuut ilinniartullu suliniummi tassani peqataassapput.
Suliniut tulleq aningasaliiffigineqartussaq tassaavoq Danmarkimi katersugaasivissuup nunatsinni katersugaasivik Tysklandimilu Friedrich-Schrillerip Universitetia suleqatigalugit suliniutaat.
Kalaallit ilinniartut soqutiginninnerulernissaat anguniarlugu itsarnisarsiuut assaanerineri peqataanissaannut tapiisoqassaaq. Ilinniareerunillu misilittagaasa Nunatta katersugaasivianut iluaqutaanissaat aamma tapiinermi tunngavilersuutaavoq.
