Timmisartup orsussaa station nord-imi tammartoq suli nassaarineqanngitsoq Kangilinnguani sakkutooqarfimmi oberstløjtnanti Ole Sparrevohn ilisimatitsivoq.
- Poorskikkunni silapilukkaluaqisoq siku qillerlugu ujaasigaluarpugut, aammattaaq tankinut kussinernullu kuussimaqinammat taakku aamma misissoraluarpagut, - kisianni sunnguamilluunniit mingutitsisimasinnaasumik siumuinngilagut, Ole Sparrevohni oqarpoq.
Mingutitsisoqarsimannginneranilli oqarneq illuatungeqarpoq, tassami Kangilinnguani sakkutooqarfik naapertorlugu orsussap annertussusaata uuttortarnerani kukkulaartoqarsimasinnaanera ilimagineqarpoq.
- Paasiniarluarnissaa nalornissutigineqarsinnaavoq, taamaattumik ilumut mingutitsisoqarsimanersoq qulakkeeqqaarluartariaqarpoq, Ole Sparrevohn naggasiivoq.