Namminersornerullutik oqartussat nersornaasiuttagaat sølviusoq, sapaatip akunnerata naanerani ukiorpassuarni niuertutut sulisimasut ilaannut tunniunneqarpoq. Tamatumuuna nersornaaserneqarpoq Johan Motzfeldt, maannakkut Qaqortumi najugaqartoq.
Taanna ukiuni 49-ngajanni niuertutut sulisimavoq, 15-inillu ukioqarlunili niuertutut ilinniarnini aallartissimallugu.
Johan Motzfeldt, sinerissami illoqarfinni assigiinngitsuni ukiorpassuarni siullermik KGH-mi ukioq 2003 tikillugu sulisarsimavoq.