Italiami pisut sammiinnarallartigik, inupiluunerpaammi ittuattut naatsorsuunneqartartoq, ”Capo di tutti capi”
maanna tigusarineqarsimavoq.
Tassaavoq 73-inik ukiulik, Bernado Provenzano.
Italiami nutaarsiassaqartitsivik, ANSA, naapertorlugu, Provenzano Siciliami illoqarfiit ilaasa, Coleone-p qanittuani tigusarineqarpoq.
Mafiap ittorsua taanna politiit ukiuni 42-ni ujaaraat.
Inuppassuit isumaqarsimapput Provenzano toqoreersimasoq.
Italiami aaqqissuussamik pinerluttarnernut akiuiniarneq eqqarsaatigalugu, angutip taassuma kiisami tigusarineqarnera tamaani oqartussaasunut pingaarutilerujussuuvoq.