Italiami illuatungeriit naligiipput
10. april 2006 16:46
Italiami parlamentimut qinersinermi inernerit kisinneqarnerini, illuatungeriit naligiittorujussuusut Ritzau-mit allaaserineqarpoq.
Romano Prodi-p ajugaanissaa ullaaq ilimagineqaleraluarpoq, kisitsisinerilli kingulliit takutippaat Silvio Berlusconi qinersisartunit 50 procentinit taaneqarsimasoq, Romano Prodilu qinersisartut 49,5 procentiinit taaneqarsimavoq.
Qinersinermi inernerit suli kisinneqarput, illuatungeriillu imminnut suli qanilluinnarpoq.
Maannamut qinersinermi inernerit 97 procentii kisinneqareerput, Italiamilu naalagaaffimmi pissutsinut pisortaqarfik nalunaarpoq, taasisinnaasut 83,6 procentit qinersiartorsimasut.
