Angutit arfineq-pingasut Canadami toqunneqarsimapput

Canadami toqoraanersuarmik amiilaarnartumik sapaatip-akunnerata naanerani pisoqarsimammat innuttaasut tupassimasorpassuupput.

Toqunneqarsimasut tamarmik angutaapput. Toqungasut timaat biilit qulit iluanni silataanniluunniit nassaarineqarput. Toqutaasimasut kikkuuneri, qanorluunniit ilillutik toqunneqarsimaneri politiit oqqaseqarfiumanngikkallarpaat, taama ilisimatitsivoq CBC.

Rockerit Canadamiut najugannaavini eqqissiviilliortarnernut toqutsisimaneq attuumassuteqarnersoq eqqarsaatersorfigineqarpoq. Tassami toqungasut timaannik nassaarfiusuniipput klubbit rockerit ornittagannaavi. Nassaarfiup qaniittuani Hells Angels, Bandidos rockerillu allat najugaqartiterput.

Rockerit præsidenterisimasaata illua politiit ippassaq misissuivigaat. Toqungasut arfineq-pingasut timaasa nassaarineqarfianniit kilometerit marlussuit missaannik illu taanna ungasitsigisumiippoq.