USA-p Iran-i saassutilersaarpaa

USA-p Iran-imik saaassussinissani piareersaraa, aviisi The New Yorker apriilip 17-iani saqqummersussami allaaserisaqarpoq.

Atomip nukinganik sakkussiat sakkukinnerusut, ”bunker busters”-nik taaneqartartut, saassussinerni atorneqartassasut, Amerikami illersornissamut ministereqarfimmi sulisuusimasoq, atiali isertuunneqartoq taama oqarsimaneragaavoq.

USA-p Iranimik sassussisarnissamini siunertaraa, Iran-ip atomip nukinganik sakkussialiorfiutaanik nungusaaniarsarinissaq.

Allaaserisami saqqummersussami, tusagassiortoq ataqqineqarluartoq Seymour Hersh allaaserinnittuuvoq, taannalu nangilluni allappoq, USA-p præsidentia George Bush oqarsimasoq, Iran-ip præsidentia Mahmoud Ahmadinejad tassaasoq nunarsuup ullumikkut Adolf Hitleria.

Iran-i saassunneqassappat, sakkulersortartut Hizbollaht amerikamiunut saassussisaqattaalernissaat sakkortusineqassasoq ilimagineqarpoq.