Bagdad qaartitsiffigeqattaarneqarpoq
Bagdadimi shiasiortut naalaffissuata iluani silataanilu imminuujutigalutik qaartartumeerisartut qaartartumeerimmata ikinnerpaamik 40-t toqutaapput 45-llu ikiligaallutik, Bagdadimi politiit nalunaarput.
Illoqarfimmi Najafimi shiasiortut najungaqarfianni biili qaartinneqarmat 13-t toqutaareersullu taamatut qaartartumeerisoqarpoq.
Irakimi shiasiortut naalaffissuata qaartinneqarnerata kingorna sunnisiortut shiasiortullu akiniaasaqattaarneri sakkortusigaluttuinnarput. Inuit imminut sorsuutilernissaat ilimagineqartarpoq.
Irakimi oqaluttuarisaanermi siullerpaamik inuit tamat qinersitinneqarput qaammatit sisamat matuma siorna sulili naalakkersuisooqatigiinnik pilersitsisoqanngilaq, tamatuma pissutsit pitsaanerulersinngilai. Irakimilu ministeriugallartoq kikkunnit tamanit tunuaqquneqaqattaarpoq.