Nunani ineriartortuni nakorsarpassuit
Nunani pisuunik taasakkatsinni nakorsat niviarsissallu nunanit ineriartortunit sulisorineqalingaarmata, nunani qimataanni amigaataaqaat. WHO-p naatsorsuinera tunngavigalugu peqqinnissaqarfinni sulisut 4 millioni sinnerlugit nunarsuarmi amigaataasut, Afrikamilu nakorsat naammassisut sisamaagaangata ataaseq nunani pisuuni sulisunngortartoq.
-Nunani aaqqiagiingiffiusuni nakorsat niviarsissallu amigaatigisaqaagut. Pisariaqarluinnarpoq nunaqartunik ilinniartitsinissaq. Tamannali piviusunngortissagaanni suliarujussuussaaq, aarriikkaluamillu siuariartortoqartoq, nakorsat killeqarfeqaratik sulisut siulittaasuat Søren Brix Christensen oqaluttuarpoq.
-Taamaattumik nunani siuarsakkani ilinniagallit nunanut pisuujunerusunut suliartortarput, nunaminni atugassarititaasut naammaginanngingaarmata”
Nunat pisuuttaaq nakorsanik niviarsissanillu amigaateqaqaat, nunaniillu ineriartortunit sulisoqarusupput, taakku nunaqqataannut akornutaasumik, Søren Brix Christensen nassuiaavoq.
Nunani siuarsakkani periarfissatuaavoq atuarfiit ilinniarfiillu pilersiortornissaat taamaalilluni ilinniarsimasut nunaminniiginnarsinnaaqqullugit.