Aappaagumiit nunarput EU-mit 187 millioni koruuninik tapiiffigineqartalissasoq Qanoruumi saqqummiunneqarpoq.
Aningaasat isumaqatigiissutigineqartut tapiissutitut taaneqartariaqarput. Ilisimatusarnernut, ilinniartitaanernut, angallannerni pitsanngorsaatinut nukissiorfeqarnernullu atorneqarsinnaapput.
Isumaqatigiissulli EU-p ministerrådiisa akuereqqaartussaassavaat.
Suleqatigiinnissamik isumaqatigiissutip saniagut EU-mi ilaasortat nunat qanoq annertutigisumik nunatta imartaani aalisagartassinneqassanersut isumaqatigiinniartoqassaaq, minnerunngitsumillu EU nunatsinnut qanoq annertutigisumik akiliisassanersoq isumaqatigiinniutaassalluni.
Naatsorsorneqarsimavoq aalisarnermik isumaqatigiissutissaq 130 millioni koruuninik naleqartoq.
Nunarput EU-lu Ilulissani maajip naanerani isumaqatigiinniassapput.