Knud Rasmussen, Kunuunnguaq, pillugu filmiliaq Toronto-mi septembarimi takuteqqaarneqartussaagaluaq aningaasatigut akunnattoorpoq.
Filmiliamik ilitsersuisut Nunavumi qinikkanut aningaasaliiffigineqarnissamik noqqaagaluarlutik itigartinneqarput.
Filmip Canadap avannaani illoqarfinni 56-ini takuteqattaarneqarnissaa filmiliortunit pilersaarutaagaluarpoq, aningaasaliisoqanngippalli pilersaarutaat piviusunngorsinnaanngilaq.
Filmimik ilitsersuisut Zacharias Kunuk aamma Norman Cohn Nunavummi oqartussanut qinnuteqaraluarlutik itigarnertik uggoreqaat.
- Ikiortissatut isumalluutigisaraluatta naggataagut nammineertussanngortippaatigut, Norman Cohn oqarpoq.
Filmi 1922-imi pisimasuusaartitaq Nunavummi Igloolimmi filmiliarineqarpoq. Filmip imaraa kristumiussutsip niuernerullu Igloolimmiunut 1900-kkut aallartinneranni eqqunneqarnerisa nalaani angakkup paniatalu ineriartornermut sorsunnerat. Taamaaleruttornerani ilisimasassarsiortut Knud Rasmussen siuttoralugu tikipput.
Qaanaarmiut sisamat filmimi inuttaaqataapput tassalu Piuaatsoq Petersen, Akitsinnguaq Danielsen, Juaanna Platou aamma Qillaq Danielsen.