Bosniami Serbiamilu sakkutuut naalagarisimasaat Ratko Mladic, inuiannik nungusaaniaqataasimasutut unnerluutigineqartoq Naalagaaffiit Peqatigiit sorsunnermi pinerluuteqarsimasunut Haag-imi eqqartuussiaviannut apriilip naalernerani tunniunneqassasoq, nutaarsiassaqartitsivik Ritzau tusarliussivoq.
Haagimi eqqartuussivimmi unnerluussisussaatitaaneq Carla Del Ponte oqarpoq Ratko Mladicip apriilip naalernerani tunniunneqarnissaanik Serbiamiut ministeriunerat Kostunica nalunaaruteqarsimasoq.