1,5 millioni koruuniuteqaraanni qulimiguulimmik ullut tamaasa suliartortoqarsinnaaleraluarpoq. Danmarkimi Illersornissaqarfiup timmisartuaraatai qulimiguullit aqqanillit, Amerikami sanaat, Hughesit maanna tuniniarneqarmata.
Qulimiguullit naalagaaffimmit ukiuni 35-ni pigineqarsimapput, Timmisartunullu atortussaaseriffik naapertorlugu qulimiguullit suli atorsinnaalluarput, atortussaallu sillimmatissat amerlasuut pigineqarlutik.
Hughes 500, nalunaaquttap akunneranut 223 kilometer-inik sukkassuseqarluni timmisinnaavoq, 670 kilometer-illu ingerlasinnaallugit.
Nuannarineqarluinnartuuvoq, mikigaluarluni aqukkuminartuummat, soorlu ujaasinerni atorneqarluarsinnaalluni.
Illersornissaqarfik qulimiguulinnik 1971-imili atuilermat, timmisartut nakkarneri marluk misigineqarsimapput, nakkartup aappaa ajunaarnermik kinguneqarsimalluni.