Irlandimiut nunaminnut oqartussaaffeqalerniarnerisa akioriissutaannera tutsiuteqqippoq. Kunngiitsuuniat partiianni aqutseqataasut pingaarnerit ilaat ippassaq toqutaammat najummassimanartorsiortoqaqqilerpoq.
-Denis Donaldsonimik ateqarpunga, 1980-ikkunnili tulunnut kilitsissianngorpunga.
-Taamanili aningaasarsiutigilerpara.
Siorna decembarimi tulunnut kilitsissiaalluni nassueramili toqu ajapereerpaa.
Ippassarlu toqutaavoq, niaqqumigut tallimigullu timmiarsiummik aallaaneqarsimavoq, naalliutsitaasimaneralu pasitsaanneqarpoq. Ukiuni arlaqalersuni Irlandip avannarpasissuani eqqissineqarnissaanik suliniartut sunniuteqarnerit ilagaat – katuullit sinnerlugit isumaqatigiinniartarluni, kingornalu IRA-p parteerisaani Sinn Feinimi qullersat ilagilerlugu.
Tulunnut kilitsissiaanini paasineqarmat Irlandip avannarpasissortaa qimallugu Irlandimut inuilaamut nuuppoq, ippassarlu toqutaalluni. Tuluit Irlandimiullu eqqisseqatigiinnissamik suliniutaat Denis Donaldsonip toqutaaneragut ajornartorsiortinneqaleriaannaavoq.