Thailandimi sapaatiummat qinersinerup kingorna maannamut ministeriunerusoq Thaksin Shinawatra atorfimminit tunuarniarluni nalunaaruteqarpoq.
TV-kkut toqqaannartumik aallakaatitsisoqarnerani nalunaarutigaa inatsisartut katersuunnerini tunuarniarluni.
-Ministeriunertut tunuarniarpunga, allatulli ajornartumik taartissama toqqarneqarnissaata tungaanut atuukkallartariaqassaanga, Thaksin oqarpoq.
Thailandimi sapaatiummat qinersinermi Thaksin parteeqataalu ajugaarujussuarput, illuatungiliuttulli qinigassanngortitsinnginnerminni qinersiviit 70 procentiini Thaksin parteeqataalu kisimiitillugit qineqqusaartissimagaat nalunaarutigineqarpoq.