Ikiaroorniummik sakkortuumik qiimmassaatitut atorneqartartumik ecstacy-nik Ilulissani eqqusseriaraluartoqarsimanera aallaavigalugu, Nuummi inuusuttut akornanni atuisartunik tusaamasaqartoqarnersoq paasiniarparput.
Suleqaterput Nive Nielsen, aqqusinermi apersuisuuvoq.
- Tusagaqarnikuunngisaannarpunga. Taamaallat Ilulissani qanittumi eqqusseriartoqarsimasoq tusarpara, allamik naamik, angut 21-nik ukiulik oqarpoq. Aamma inuusuttoqatai allat 16-niit 21-t tungaannut ukiullit ecstacy-nik atuisartunik tusaamasaqanngillat.
Nuummi aqqusinermi apersuisuuvoq Nive Nielsen.
Ikiaroorniut ecstacy-mik taaneqartartoq inuusuttut akornanni atugaanngitsoq aqqusinermi apesuinermi paasinarpoq, inuusuttorli ataaseq takusaqarsimanerarpoq ecstacy-mik iisartakkamik iisisumik.