Mamakujuttutorpallaartartoqarpoq immiaqqanillu imerpallaartartoqarpoq imaluunniit aamma sulivallaartartoqarpoq.
Suliassinneqarlutik naaggaarsinnaanngitsunut maanna ikiorsiisoqartalerpoq. Sulivallaartut sulerusussuseqarnerminnik akiuisinnaanissartik ilinniarsinnaaleraat, TV2 Finansimit tusarliussisoqarpoq.
Imminut katsorsaqatigiilluni ataatsimooqatigiittarneq, aamma AA-mik taaneqartartoq, Amerikami aallartittoq malillugu, imminut ikiorsernissaq tunngaviatulli ikiorsiineq ingerlanneqassaaq.
Ikioqatigiit Workaholic Anonymousimik, WA-mik, taaguuteqartinneqarput. Ikioqatigiinni ilaasortat tassapput ullaaralaakkut isertorlutik allaffimminnukartartut imaluunniit angerlanngitsuuvillutik suliffimminniiginnartartut.
Ikioqatigiinni ilaasortaq Mike-mik atilik oqarpoq. inuit ataasiakkaat sulinngitsuuissinnaanngitsut inuiaqatigiinnit akuerineqartut. taama Reuters allaaserisaqarpoq.