Apriilimi aappaagu, danmarkimi neriniartarfinni pujortartarneq inerteqqutaalissaaq.
Pujortartarnerit inerteqqutaalernissaat anguniarlugu, danskit naalakkersuisui ullumikkut ataatsimiissapput.
Imerniartarfinni neriniartarfinnilu pujortartarneq inerteqqutaalissasoq TV 2 oqaluttuarpoq.
- Pujortartunik ajoqusersorneqarnani sumiluunniit angalasinnaanissaq anguniarneqarpoq. Tamannalu anguneqassaaq Cafe-ni tamanillu orninneqarsinnaasuni pujortartarneq inerteqqutaalerpat, peqqinnissamut ministeri Lars Løkke Rasmussen oqarpoq.
Pujortartartut pujortarfigisinnaasaannik ineqqanik immikkut sanasoqarsinnaassaaq.
Aamma imerniartarfiit 100 kvadratmeterinit anginerusut pujortartarfiliorsinnaassapput.