Savalimmiormiut arnartaat Europami nunat allat arnartaannut naleqqiullutik 2,6-nik siorna meeqqiornerusimagaluartut Savalimmiut inuttussutsimikkut ukioq manna ikileriaateqartut, Savalimmiuni naatsorsueqqissartarfik taama nalunaarusiorpoq.
Savalimmiuni inuit siorna 127-nik ikileriarasimasut massakkut 48.244-iusut oqaatigineqarpoq.
Savalimmiut 1997-miilli inuttusiartoqqilersimapput, meeqqiortullu amerlanerulersimallutik, taamaattorli Savalimmiut avataannut nutsertut suli amerlanerujuarsinnartut naatsorsueqqissaartarfik nalunaarpoq.