Atornerluisimasorineqartoq sivisunerusumik tigummineqassaaq
Nunatta eqqartuussivia tallimanngormat aalajangerpoq angut meeqqanik arlariinnik kinguaassiuutitigut atornerluisimasutut Nuummi politiit pasillugu tigusarisaat, sapaatip-akunnerini sisamani tigummineqarallassasoq.
Nuummi eqqartuussiviup sapaatip-akunnerinik marlunnik tigummigallagassanngortitsinermik aalajangerneranik allanngortitsineruvoq, Nunatta eqqartuussiviata sapaatip-akunneri marluk sisamanut sivitsorneqarnissaat aalajangermagu.
Angutip pasineqartup qaammammik ataatsimik tigummigallagassanngortinneqarneratigut maanna politiit misissuinissaminnut periarfissaqalerput. Angutip meeqqat qassit kinguaassiutitigut atornerlussimanerai ilaatigut paasiniarneqassaaq.
- Pinerluttoqarsimaneranik paasiniaaneq matoqqasumik ingerlanneqarpoq, ilaatigut meeqqat atornerlunneqarsimasut pillugit saqqummerartut inniminarmata suliaq tamanut matoqqasuuvoq, vicepolitimester Bjørn Bay oqarpoq.
Angut tigummigallagassanngortinneqartoq Nuummi pinerluuteqarsimasunut isertitsivimmiitinneqarpoq.