Qimussernermi Uummannap eqqaamiut siuttuupput
Skrevet af Najaaraq Egede
Sisimiuni ulluni pingasuni qimussernersuaq siullermeerluni misiligutaasoq ippassaq aallartittoq ingerlalluarpaluppoq. Qimussit 14-it timmuinnarsuaq ippassaq aallaramik 56 kilometerini ingerlaareerlutik illuaqqani unnuipput. Kangerlussuup tungaanut ullumi 50 kilometerini ingerlaareersut illuaqqanut maanna utersimalerput. Qimussertut Sisimiunut aqagu marluk missaani apuutissasut, aaqqissueqataasoq Frederik Kleist nalunaarpoq.
Oqaatigineqarpoq Uummannap eqqaaneersut Nukannguaq aamma Edvard Samuelsen ullumi aamma siuttuusut, angajulleq Edvard apuuteqqaartuulluni.
Nunatsinni qimussimik arfininngorpat apriilip aallaqqaataani pissartanngorniunniuttoqassaaq.