Kristumiussutsi asiginnakkuniuk toqumut pillagaasinnaasoq
Angutip Agfhanistanimiuusup islamimik upperisaqartuusimasup kristumiunngorsimanini pissutigalugu parnaarussaasup toqumut pillagaannginnissaanik, Canadap ministeriunerata Stephen Harperip Afghanistanip præsidentia Mohammed Karzai neriorsuisippaa.
Angutip kristumiunngortup toqutaannginnissaa pillugu Stephen Harper Afghanistanip præsidentianut sianersimavoq, ernumassutigisaminillu Karzai paasitillugu.
Islamimik upperisallit eqqartuussisuat oqarsimavoq kristumiunngortup kristumiussuseq asiginnanngikkuniuk toqumut pillagaasinnaasoq.
- Karzai oqarpoq ernumassutissaqanngitsugut, inatsiseqarnermut ministerini aamma oqaloqatigisimavaa, Stephen Harper ippassaq taama oqarpoq.
NATOp eqqissisimatitsiniarneranut atasumik Canadamiut Afghanistanimi 2.300-nik sakkutuuliussaqarput.