Angut meeqqanik kinguaassiutitigut atornerluisimasutut pasineqartoq sivisunerusumik tigummigallagassanngortinneqartoq eqqartuussivimmiit aalajangiunneqarpoq. Taama aalajangernermut tunngaviuvoq politiit piumasarimmassuk suliap sivitsorneqarnissaa.
Tassalu imaappoq, suliap misissuiffigineqarnerata nalaani angut apriilip aqqaneq-aappaata tungaanut nakkutigineqarallassasoq.
Politiit isumaqarput, angut anisinneqaraluarpat suliap misissuivigineqarnera ajoquserneqarsinnaasoq, eqqartuussivittaaq aamma taamatut isumaqarpoq.
Angut 40-t missaanni ukioqartoq Qeqertarsuarmi nukappiaqqanik sisoraatinik sangusaarnermik sungiusaasuusoq atorfimminik atornerluisimasutut pasineqarpoq.
Politiilli itinerusumik paasissutissiinissaminnik tunuarsimaarallarput suliap suli ingerlanneqarnera taamalu inuttut mianernartuunera tunngavigalugu.
Angut marsip arfineq-pingajuanili tigummineqalerpoq.