Naalakkersuisunut ilaasortaq Finn Karlsen sapaatip-akunnerata naanerani politiinit killisiorneqarpoq.
Arfininngormat ullaakkut qulinut politiit peqquserluuteqarsimasunik suliaqartartut, Finn Karlsen-imik killisiuinerat aallartinneqarpoq.
Kalaallit Nunaata ammerivianut tunngatillugu Finn Karlsen politiiniit killisiorneqarnissamut aggersarneqarpoq. Finn Karlsen-ip politiinut tunniunneqarnera aallaaveqarpoq, Finn Karlsen-ip radioavisi aqqutigalugu oqaaserisimasai aallaavigalugit nunatsinni Sulisitsisut Kattuffiata Finn Karlsen politiinut tunniummagu. Finn Karlsen ilaatigut radioavisimut oqarpoq, Kalaallit Nunaata ammeriviani pisortaq inatsisinik unioqqutitsisimasoq.
Finn Karlsen-ip politiinit killisiorneqarnera naammassereerpoq, maannakkullu suliap qanoq ingerlateqqinneqarnissaa, inatsisilerituut kisimik aalajangertussanngorpaat.