Islandimi qulimiguulimmik kiffartuuussineq eqqugaasussanngorpoq amerikamiut Keflavikimi sakkutooqarfitsik matussallugu aalajangermata.
Islandimi qulimiguulik atorlugu annaassiniartarnernut amerikamiut sakkutooqqarfiat ukiuni 35-nngortuni suliaqartuusaqarpoq.
Ukiorpassuarni amerikamiut annaassiniartarnerminni ikinnerpaamik inuit 310-it inuunerannik annaassisimasut, taama Islandimi TV-qarfik aallaakaatitassiorpoq.
Amerikamiut nunaminnut uterpata annaasiniartarnerit islandimiut namminneerlutik ingerlattariaqalissavaat, islandimiullu timmisartui qulimiguullit amerikamiut sakkutooqarfiata timmisartuutaannit timmisinnaanikinnerusut, tassa 150 sømilinik tamaallaat ingerlaarsinnaagaat oqaatigineqarpoq.
Amerikamiut Islandimi sakkutuui 1200-pput, taakku timminertuunik qulimiguuleqarnermik saniatigut sorsuutinik aamma timmisartoqarput.
amerikamiut Keflavikimik ukiaru septembarimi qimatsinissaat pilersarutaavoq.