Frankrigimi akerliussutsimik takutitsinerit aammalu
Frankrigimi inatsisartut inatsisiliaat suli qassiiliutaavoq. Aatsaat taama amerlatigisut ullumi Parisip, illoqarfiillu annerit ikinnerpaamik aqqanillit, aqqusernini akerliussuminnik takutitsipput. Akerlerineqartoq tassaavoq inuusuttut 26-it inorlugit ukiullit ajornannginnerusumik suliffimminnit soraarsinneqartalernissaannik inatsissaq.
Frankrigimi sulisartut kattuffissuisa sisamat sakkortuumik akerliunerat, premierministerimut Dominique de Villepin-mut najummassimanartorsiortitsivoq.
Akerliussutsimik takutitsineq ilisimatusarfiit ilinniartuini aallartittoq taamaasilluni ilinniarnertuunngornianut siaruaattoq angajoqqaanut tuniluuppoq.
Ilimagineqarpoq innuttaasut ikinnerpaamik 1 millionit akerliussutsimik takutitsinernut peqataasimassasut.
Inuusuttut 26-iliineqanngitsut atorfimminni ukiut marluk siulliit sulinerminni sulisitsisunit peqquteqanngitsumik soraarsitaasinnaanerannik inatsisiliassaq, naalakkersuisut inatsisartunut siunnersuutigineqartut isumasiuinerit malillugit franskit 68 procentiisa uterteqquaat, aviisi Le Figaro malillugu qaammatip ingerlanerani akerliusut 13 procentpointimik amerleriarsimallutik.