Peqqissutsimik suliniuteqarnermi, inuit peqqissusaat pitsaanerulersinniarneqarpoq, napparsimavinnilu uninngasartut ikilisinniarneqarlutik.
Napparsimaveqarfiup 2004-mi kisitsisaataat malillugit, inuit 10.000-it napparsimavinni uninngasariaqarsimapput.
Taakkunannga inuit 2000-it ajoqusernikkut toqunartunilluunniit iisaqarsimasutut imigassartorpallaarsimasutulluunniit unitsinneqarsimapput.
2004-mi naartunermut erninermullu atatillugu arnat 1500-t uninngasimapput. Puakkut ajoquteqartut, ilaatigut pujortartarneq pissutaalluni pualluttut katillugit 750-it uninngasimapput.
Peqqissutsimik pisortaqarfik aamma nalunaarpoq, isumaginninnermut tunngasut arlaqartut napparsimaveqarfinnut annguttartut. Soorlu inuit angerlarsimaffeqannginnertik pissutigalugu uninngasarput aammalu inuit ilaat angerlarsimaffimminni isumaginissaqannginneq pissutaalluni napparsimavinni uninngasariaqartartut.