Issittumi Nunallit Unammiuaarneranni kalaallit angusarissaartuarsinnarput.
Radioaviisimi tusagarput kingulleq tassaavoq ujakkaartartoq Niviaq C. Berthelsen Nuummeersoq ullumi 10 kilometerernermi bronze-nnammat.
Ujamminnattut allat tassaapput snowboard-ertartut marluk sølvinnattut, inuillu pinnguaataanni guld-innattut marluk.
Arsaattartut kalaallit unammiartortut tamarmik semifinalimut anngupput, aamma sulorartartut tamarmik semifinalimut anngupput, kiisalu volleyball-ertartut arnartai. Volleyballertartut nukappiarartai 5-inngorput.
Nerrivimmi arsaarartartut tamarmik ullumi unammipput, ilaat finalimut anngupput ilaallu 3-nngorniuttussanngorlutik.
Sangusaartartuni ujaminnattoqanngitsoorpoq, angusarissaarnerit 4-nngikkunik 5-inngoramik.
Ujakkaartartut ippassaq eqqissisimaarsimapput, Claus Nielsen-illu angalaqatigiinni aqutsisup oqaatigaa, unammiartortut tamarmik ajunngitsorsuusut.