Alaskami qimussimik sukkanniunnersuaq nunarsuarmi qimussimik sukkanniunnerit sakkortunersaattut oqaatiginiarneqartartoq ullumi aallartippoq.
Sukkanniuttut ukioq manna 83-iusut Anchoragemiit avanaarpiarsuani Nomep tungaanut katillugit 1850 kilometerit ingerlaassavaat.
Sukkanniuttut amerlanersaat amerikamiuupput, Canadamiuullutik Europamiuullutillu. Europameersut Norgemeersuullutillu Hollandimeersuupput, Alaskami aviisi Anchorage Daily News allaaserinnippoq.
Sukkanniunnersuaq Iditarod-imik taaneqartarpoq, tassanilu qimmit Alaskamiut issittumi qimmii atorneqartarput.