Ukioq 2004-mi nunatsinni pinerlunnerit amerleriangaatsiarsimapput, ukiup siuliani 2003-mi pinerlunnerit 1761-iusimasut 2004-imi pinerlunnerit 2135-iusimapput.
Ukiuni 2000-imi 2004-milu pinerlunnerit amerlaqatigiiginnangajapput. Ukiuni akunneriniittuni pingasuni pinerlunnerit ikinnerusimallutik.
Taama saqqummiussaqarpoq, naatsorsueqqissaartarfiup nunatsinni 1995-imiit 2004 ilanngullugu pinerlunernik nalunaarusiaa.
1995-imiit 2004 ilanngullugu pinerlunnerit amerlassusaasa saniatigut pinerlunnerit suuneri nalunaarusiami aamma ilanngunneqarsimapput.
Taamatuttaaq pinerluttartut siullermeernersut imaluuniit arlaleriarlutik pinerluuteqarnersut ilanngunneqarsimalluni.